பெயர்: நவீன் சாவ்லா
பிறப்பு: 30 ஜூலை 1945
பிறந்த இடம்: டெல்லி
கல்வி: பி.ஏ வரலாறு. செயிண்ட் ஸ்டீபன் கல்லூரி, டெல்லி மற்றும் லண்டன் பல்கலைக்கழகம்
ஐ.ஏ.எஸ் (1969)
தொழில்: தலைமை தேர்தல் கமிஷனர்
குடும்பம்: மனைவி- ரூபிகா
சிறுகுறிப்பு: 1975- 77 ம் ஆண்டுகளில் நெருக்கடி சமயங்களில் டெல்லி கவர்னராக இருந்த நவீன் சாவ்லா அதிகார
துஷ்பிரயோகம் செய்ததாகவும், பொதுத்துறை அதிகாரியாக இருக்க லாயக்கற்றவர் என்றும் அப்பொழுது J.C. ஷா
தலைமையில் நியமிக்கப்பட்ட ஷா கமிஷன் கூறியிருந்தது.
2005ல் தேர்தல் கமிஷனராக நியமிக்கப்பட்ட இவரை பணிநீக்கம் செய்யவேண்டும் என பரிந்துரைத்து
தலைமை தேர்தல் கமிஷனர் என். கோபாலசுவாமி ஜனாதிபதிக்கு கடிதம் எழுதியதில் பல சர்ச்சைகள்
எழுந்துள்ளதோடு மீடியா வெளிச்சமும் இவர் பக்கம் திரும்பியது.
அன்றிலிருந்து இன்று வரை அவர் மீதான சர்ச்சைகள் தொடர முக்கியக் காரணம் அவரும், அவரது மனைவி ரூபிகாவும்
இணைந்து ஒரு அறக்கட்டளை நடத்தி வருகின்றனர். இதற்கு ராஜஸ்தான் காங்கிரஸ் கட்சி தனது இடத்தை
கொடுத்திருப்பதோடு, காங்கிரஸ் கட்சியின் முக்கிய பிரமுகர்களான அம்பிகா சோனி, கரண் சிங் போன்றோரும் நிதியுதவி
செய்து வருகின்றனர். வர்த்தக ரீதியாக காங்கிரஸ் கட்சியுடன் தொடர்பு இருப்பதால் இவர் நடுநிலையாக செயல்படுவதில்லை
என பா.ஜ.க தலைவர் அத்வானி குற்றம் சாட்டியுள்ளார். இப்பொழுது என். கோபாலசுவாமி ஜனாதிபதிக்கு எழுதியக் கடிதத்தின்
விவரங்களை சட்ட அமைச்சகம் வெளியிட்டதில் மீண்டும் பரபரப்பு ஏற்பட்டுள்ளது.
| < Prev | Next > |
|---|
