லண்டன்: 1940 காலக்கட்டத்தில் தன் மனைவிக்கு (தற்போது வயது 96) கள்ளக்காதல் இருந்ததை தற்போது அறிந்துக் கொண்ட 99 வயது கணவன் விவாகரத்து கேட்டு வழக்கு தொடர்ந்துள்ளார். இதனால் விவாகரத்து கோரி நீதிமன்ற கதவை தட்டியுள்ள மிக வயதான தம்பதிகள் என்ற உலக சாதனையை இவர்கள் படைத்துள்ளனர்.
இத்தாலியை சேர்ந்தவர் அந்தோணியோ (வயது 99). இவரது மனைவி ரோஸிக்கு 96 வயது ஆகிறது. இவர்களுக்கு திருமணம் ஆகி 77 ஆண்டுகள் ஆகின்றன. இந்த தம்பதிக்கு 5 குழந்தைகளும், 12 பேரக் குழந்தைகளும், 1 கொள்ளுப்பேரக் குழந்தையும் உள்ளனர்.
1940களில், அந்தோணியோவுடன் திருமணம் ஆன பின்பு, ரோஸிக்கு வேறு ஒருவருடன் கள்ளக்காதல் இருந்துள்ளது. தன் கள்ளக்காதலனுக்கு ரோஸி எழுதிய கடிதங்கள் அண்மையில் அந்தோணியோவிடம் கிடைத்துள்ளது. இதனையடுத்து தனக்கு விவாகரத்து வேண்டும் என அந்தோணியோ நீதிமன்றத்தை நாடியுள்ளார்.
இதனால் விவாகரத்து கோரியுள்ள வயதான தம்பதி என்ற சாதனையை இவர்கள் படைத்துள்ளனர்.
Want to write for Maniyosai?
Download our android app